Air : "A la Française"

Des fraternelles, ichi, i d'a à l'pelle,
Ouais, mais l'pus belle, i feaut l'avouer
Que ch'est seûrmint l'Tournaisienne
Et sans vouloir nous vanter,
D'a brammint qu'i s'reot'tent in peine
rien que pour nous égaler
Et si on est chauvin,
Ch'est pasqu'on est Tournaisien !...

Glorifier s'chité, ses Choncq Clothiers,
Deonner l'prumièr' plache à l'amitié,
Et... n'jamais oublier d'in boire eine,

Cha, ch'est "LA TOURNAISIENNE" !

S'fout des gins, mais sans exagérer,
Canter dins l'patois du Cabaret,
El' coeur toudis gai, jamis in peine,

Cha, ch'est "LA TOURNAISIENNE" !

Toudis savoir warder l'souv'nir de nos inciens,
In f'sant confiance aux jeones qui nous rimplach'reont d'main.
Et -surtout- tout partout dùsqu'on va,
Proclamer "Les Tournaisiens sont là !"
Dùsqu'i-a de l'fierté, i n'a pos d'gêne,

Cha, ch'est "LA TOURNAISIENNE" !