tournaisiens.mp3

Le Ray l'a dit, d'dins les guerr's de la France,
Quand l'caporal s'appréteot à buquer,
S'ertournant su s' n-officier d'ordonnance
"Dis deonc, l'ami, c'qu'on peut béteot qu'mincher?
Not' aid' de camp s'ertourneot tout d'ein' traque,
R'weitieot au leong et puis diseot comm'cha:
"Sa majesté, on peut donner l'attaque
On peut qu'mincher, les Tournaisiens sont là! (ter)

(refrain)

La La La La La La La .....

D'aussi longtemps que l'mémoire l'permette,
Chatté comm'cha, dins l' guerr, dins la paix;
D'Jérusalem, t'iest-c' qui feonc' les ferniêtes?
Tous les premiers, ch'est deux enfants d'Tournai
Et Godefroid, tout in suivant leu trache,
D'ein veox d'taureau criot à ses soldat:
"On peut passer, pour tertous i'a de l'plache,
On peut rintrer, les Tournaisiens sont là!"

Ein peu plus tard, quand les heomm's de tiête
F'seont'e tuer nos pèr's pour des brins d'tiens
Etant su l'point d'attraper ein 'doguette
I'v'neot'ntte querr' l'appui des Tournaisiens
Le roi Louis conniseot bin cell'sorte,
Car i diseot, in s'mettant su s'mat'las:
"Je r'pose en paix, ne fermez pas la porte
J'peux m'endormir, les Tournaisiens sont là!"

Dix-huit-chint-trinte éclate, et la Belgique
Tout ein seul bond à Bruxell's a volé
A pied, à qu'veau, heomm's posés et pratiques,
Autour du Parc, nos gins veont s'imbusquer
Les Brabanchéons in erweitiant leux faches,
Ont demandé:"Quoiqu'ch'est ces gaillards là?"
Quant i'cont su d'quoi, i'eont dit:"Nous somm's à plache
Nous sommes sauvés, les Tournaisiens sont là!"

Et si plus tard y'faudreot qu'on r'quéminche,
Aux greos, aux p'tits ein Beig' sareot prouver
Qu'i n'sufit nos d'dir:"Tésta, j'te minche!"
Neon! avant cha, faudreot nous tuer.
Et quand not Roi, au momint du touillache
Dira:"M'z'infants, l'ennemi est là-bas!"
Nous s'écri'reons:"A nous, Tournai! Courage!"
On s'intira qu'les Tournaisiens sont là!