gosses.mp3

1. Ch'est nous éaut's les gosses
   De l'vill' de Tournai :
   ein' band( de p'tit's rosses
   Traînant d'sus les quais !
   Sans ein' beonne avisse,
   On nous veot souvint,
   Toudis plein d'malice,
   Fair' rager les gins !
   

   On in fait d(tous les sortes
   Sonner à les portes (bis)
   Et fair' cair' les séeaux
   Quand i seont plein d'iéeaux ! (bis)

2. L'écol' nous imbête,
   On n'a pos b'souin d'cha !
   Véaut mieux fair' queuette,
   Quérir à l'chita !
   On n'a pus d'haleine
   D'jeuer aux voleurs,
   Puis on va d'sus l'plaine
   Vir' les P'tits chasseurs !
   

   Au boul'vard sous les arbres
   V'la qu'on joue à mabres (bis)
   On s'amusse à s'touiller
   Et puis à batt'lier ! (bis)
   

3. Près de l'Cathédrale,
   Ch'est là qu'on est l'mieux
   Pou bin ruer s'balle
   Su l'tiêt' des Môssieux !
   et v'la qu'on dispute
   Pour ein' guiss' de beos :
   On s'fout des queops d'blutte,
   D'cachoire et d'chabeots !
   

   Comm' l'agint nous orwette,
   On r'jeue à l'guillette (bis)
   A l'toupie, au bouchon
   Ou bin au rogneon ! (bis)
   

4. Mais quand ch'est l'Kermesse
   Su l'plach', queu bonheur !
   On séautte à l'punaisse,
   D'sus les planqu's on queurt !
   Pou suif les baraques
   Sortant d'l'estatieon,
   On trouèf bin des craques
   Au soir... à s'maseon...
   

   Mopèr' cri' : "Tas d'rambiles !"
   I nous flanqu' des piles ! (bis)
   Et mamèr', du mêm beond,
   Ein bieau cachiron ! (bis)